نكت قصيرة بس حلوة

*مره اتنين مساطيل واحد قال للاخر مش فيتنام فازت على امريكا فى الحرب واحنا فزنا على اسرائيل .... المسطول الثانى قال له : يبقى كده احنا المفروض نصفى مع فيتنام .

*صرصار خارج من السوبر ماركت فرحان عشان شاف صورته على علبة ريد .

*واحد مسطول سألوه عن رأيه فى الزواج المبكر رد قال : مبكر ، يعنى حوالى الساعه كام ؟

*مرة واحد مسطول قبض مرتبة وقاعد بيقسم المرتب : ميت جنيه ايجار ميت جنيه مصاريف وعشرين جنيه حشيش ، البوليس خبط علي الباب قطع العشرين جنيه بتاعت الحشيش .

*مرة ست عجوزة قالوا لها الدش حرام قالت لهم الحمد للة بقالى 68 سنة بستحمى فى الطشت .

*واحد بيقول : انا بردان من المكيف , رد عليه واحد جنبه وانا منصور من طنطا .

*مسطول بيقول لزميله ... عود الكبريت ده مش راضى يولّع .. الثانى راح قال له: غريبة مع انى لسه مولعه من شويه .

*مرة واحدة قاعدة مع جوزها قاللها انا بحب فيتراك قالت له و انا بحب مجدى قالها فيتراك دي مربى قالت له ومجدى ده عسل .

*مرة 2 مساطيل واحد بيقول للتانى انا بابا هو اللى بنى الأهرامات .راح التانى قالة انت عارف البحر الميت بابا اللى قتلة .

*اتنين مساطيل ماشيين على سطح بيتهم واحد وقع فى الخزان ....التانى راح استناه عند الحنفية .

*بيقولك واحد اشترى طبق دش ، اكبر حجم وحطه فوق السطوح.. وعلشان خايف عليه من السرقه نزل قال للحته كلها أن فيه كلب كبير جدا فوق السطوح ، فاتنين من اهل الحته خادهم الفضول .. فواحد بيقول للتاني تقدر تطلع تشوف الكلب قاله أيوه أقدر أنا مش بخاف... فطلع الراجل وشوية نزل يجري ... صاحبه بيقوله شفت الكلب قاله لا شفت الطبق اللى بياكل فيه.

*واحد غبى اشترى جزمة رياضة اديداس .. لقاها 3 شرط ..... راح حاططها فى الشاحن.

*واحد كمسري بيقول لابنه تذاااااااكـــــــــــــــــــــــر ............. تنجح .

*واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتشلمامى هقولك أنت.

*جذماجى مات بالجذمة القلبية ركبوله نعل واجو يعملوله الاربعين لاقوه ضيق عملوا واحد و اربعين .

يارب تعجبكم النكت هذه